Ҳузури 31 мутасобиқ дар нахустин мусобиқоти байналмилалии ҳифз ва қироати Қуръон Ироқ
Ба гузориши хабаргузории расмии Ироқ, Рофеъ Ал-Омирӣ, мудири маркази миллии улуми Қуръони Ироқ ва узви кумитаи олии баргузории мусобиқот эълом кард аввалин давраи мусобиқоти байналмилалии ҳифз ва қироати Қуръони Карим бо ҳамкории созмонҳои вақфи шиа ва суннӣ аз фардо шанбе, 9 то 14 ноябр ба мизбонии Бағдод баргузор мешавад.
Рофеъ Ал-Омирӣ, бо ишора ба ин ки ин мусобиқа аввалин иқдом дар Ироқ дар сатҳи давлатӣ аст, эълом кард Муҳаммад Шияъ Ас-Судонӣ, нахуствазири Ироқ бо баргузории ин мусобиқот дар нӯҳум моҳи ҷорӣ дар Бағдод мувофиқат кардааст.
Вай афзуд: 31 нафар аз қориёни Қуръони Карим аз кишварҳои арабӣ ва исломӣ дар ин давр аз мусобиқот ширкат хоҳанд кард.
Ин мақоми ироқӣ ҳадафи аслии ин мусобиқотро барҷаста кардан мероси Қуръони Ироқ ва ташвиқ ба қироат ва ҳифзи Қуръони Карим эълом кард.
Рофеъ Ал-Омирӣ, тасреҳ кард: Ин мусобиқа шомили қироат ва ҳифзи Қуръон аст ва ҳар бахш доварии хосси худро дорад.
Вай баён кард, ки ин мусобиқа дар ду марҳала анҷом мешавад, ки дар марҳалаи муқаддамотӣ тамоми қориён ва ҳофизон дар он ҳузур меёбанд ва дар марҳалаи дувум панҷ нафари бартар ба рақобат мепардозанд.
Бино бар эъломи мудири маркази миллии улуми Қуръони Ироқ, ҷавоизи нафисе барои барандагони ин мусобиқот дар назар гирифта шуда ва ин рақобатҳо бо шиори (Аз Бағдод намоди тамаддун ва Ислом то Ғазза намоди муқовимат ва Лубнон намоди ҷиҳод; Бо Қуръон, пирӯзӣ ва пойдорӣ) баргузор мешавад.
